हे भारतीय वाटणारे पदार्थ चक्क परदेशी आहेत.

खवय्यांनो! भारतातील तुमच्या आवडीचे ‘हे’ पदार्थ चक्क आहेत परदेशी.. 

देश आणि वेष कोणताही असो खादाडांची संख्या काही कमी होत नाही. त्यातही भारतासारख्या देशात तऱ्हेतऱ्हेचे खाद्यपदार्थ प्रसिद्ध आहेत. आणि या पदार्थांना प्रसिद्ध करणारे खवय्ये देखील आहेत. आता पदार्थांचं विषय निघालाच आहे तर भारतात असे काही पदार्थ आहेत ज्याचा चाहता वर्ग हा मोठ्या संख्येत आहेत. जसं गुलाबजाम, समोसा, बिर्याणी वैगरे. पंरतु आम्ही तुम्हाला सांगितलं कि हे पदार्थ भारतीय नाहीत तर? आश्चर्य वाटलं ना. अहो वाटणारच वर्षानुवर्षे देशात प्रसिद्ध असलेले हे पदार्थ भारतीय नाही म्हटल्यावर कोनाचाही विश्वास बसणार नाही. यासाठी आपण आज भारतात प्रसिद्ध असलेल्या पण मूळच्या भारतीय नसलेल्या काही पदार्थांची माहिती घेणार आहोत.

समोसा 

संध्याकाळच्या चहासोबत हमखास खाल्ला जाणारा पदार्थ म्हणजे समोसा. भारतातील ९५ टक्के लोकं समोसा खाणं पसंत करतात. पंरतु समोसा हा पदार्थ मूळचा भारतीय नसून त्याचं मूळ हे मिडल ईस्ट आणि मध्य आशिया आहे.

गुलाबजामुन

सणासुदीला आणि लग्नसोहळ्यात स्वीट डिश म्हणून असणारा गुलाबजामुन हा पदार्थ न आवडणारे क्वचितच सापडतील. परंतु खवय्यांनो तुमच्या आवडीचा हा गुलाबजामुन देखील भारतातील नाही. गुलाबजामुन हा पर्शियाचा आहे. तिथे पहिल्यांदा तो बनवण्यात आला. तसंच असाही दावा केला जातो कि, मुघल सम्राट शाहजाहांच्या वैयक्तिक शेफने गुलाबजामुन हा पदार्थ चुकून तयार केला होता.

बिर्याणी 

चमचमीत बिर्याणी म्हटलं तर सर्वांच्याच तोंडाला पाणी सुटल्याशिवाय राहणार नाही. पण बिर्याणी ही भारतीय नसून मूळची तुर्की येथून आली आहे. तुर्की येथून पुलाव हा पदार्थ भारतात आला नंतर मुघल साम्राज्यात या पुलावाने बिर्याणीचं रूप घेतलं.

चहा 

लहानांपासून ते प्रौढांपर्यंत चहाचा चाहतावर्ग आढळतो. चहाच्या चुस्की शिवाय काहींना आपला दिवसच अपूर्ण वाटतो. एक स्ट्रेस बस्टर म्हणून चहाचं सेवन केलं जातं. त्यामुळे चहाप्रेमींनो तुम्हाला हे पटणार नाही पण हा चहा देखील आपला नाही. उपलब्ध माहितीनुसार, सर्व चहा चीनमध्ये उत्पादित केलं जातो. पंरतु १६०० च्या शेवटी काही कारणास्तव भारतातही चहाची शेती केली जाऊ लागली.

डाळभात 

डाळभात हा प्रत्येक भारतीयाच्या घरात बनवला जाणारा पदार्थ आहे. पंरतु डाळभातचा शोध हा नेपाळमध्ये लागला. हा पदार्थ भारतीय नसला तरीही आज डाळभाताला वेगळं असं महत्त्व आहे.

राजमा

गरम गरम भातासोबत खाल्ला जाणारा राजमा हा भारतीय नसून मेक्सिकोतील आहे. असं म्हणतात कि, राजमा मेक्सिकोहून पोर्तुगाल आणि शेवटी युरोपियन व्यापाऱ्यांमार्फत भारतात आला. नेपाळ आणि उत्तर भारतात राजमा सर्वाधिक प्रसिद्ध आहे.

-नवाकाळ, March 13, 2020